گونئی آذربایجانلی سیاسی محبوسلاری نین سون دورومو ایله باغلی گون آذ تی وی نین هفته لیک پروگرامی

واحید قاراباغلی - گون آذ تی وی - پنجشنبه ۴ بهمن ۱٣٨۶ - ۲۴ ژانويه ۲۰۰٨
۵ زنجانلی فعالین اوین حبس خاناسیندا اوزون مدت تکلیف سیز حبس لری !
اوین زیندانینین ۲۰۹ بولمه سیندن ۵ زنجانلی فعال هله ده تکلیف سیز اولاراق آغیر دورومدا اوردا ساخلانیلیرلار.

اونلارین عایله لرینین دئدیکلرینه گوره حال حاضیردا سعيد و علیرضا متين پور و جليل غنی لو - بهروز صفری بیر نئچه محبوسلا بیرگه بیر سلول دا ساخلانیلیرلار . کی سلولون سیویوق اولدوقوندان علیرضا متين پورون ریه لری چیرک ائدیب دیر.
همچنين ليلا حيدری کی ۶ شهریور اوز حیات یولداشینی گورمک اوچون زنجان اطلاعاتینا موراجیعتی زامانی حبسه آلینمیش دیر ۲ نفری سلولا اینتیقال وئریلیب دیر . او دفع لرجه حمله قلبی یه معروض قالیب و ۲ دفعه سورغو = سووال زامانی هوش دان گئدیب دیر.

دئمه لیک کی هله ده بو فعاللارین حبس لریندن آیلار کئچمه سینه باخمایاراق اونلارین هئچ بیری ایرلی سورولن ایتتهام دان خبر دار دئییل لر و اوزون مدت حبس لری وکیل سیز و محکمه هئچ بیر آچیقلاما وئرمه دن دوام ائدیر.خوی انقلاب محکمه سی آذربايجانلی يازاری 1 ايل حبس و 2 ايل سورگونه محکوم ائديب !


خوی شهرینده یاشایان تانینمیش ژورنالیست - یازیچی و شاعیر حمید آرغیش ( رستمی) بو شهرین اینقیلاب محکمه سی نین بیرینجی شعبه سی طرفیندن بیر ایل تعزیری حبسه - ۲ ایل ایسه بيجار شهرينده سورگونده ياشاماغا محکوم ائديليب. همن محکمه قرارینا گوره اونون يازیلارينين چاپ ائديلمه سی 3 ايل مدتينه ياساقلانيب.
حمید آرغیش آذربایجان تورکجه سینده بیر نئچه کیتابین او جمله دن "... وسنين حكايه لريم"٬ "قارلی ارک" و "حیكايه لر توپلوسو" یازاری دیر.
اونون شعر و مقاله لری گونئیده یاییلان امید زنجان٬ پیک آذر٬ نوید آذربایجان٬ شمس تبریز٬ یاشیل یول٬ یارپاق و دیگر قازئت و درگی لرده چاپ ائدیلیب.
جناب آرغیش ۲۱ فوریه ۲۰۰۶ - ۲ ایسفند گونئی آذربایجانین شهرلرینده بین الخالق آنا دیلی گونو موناسیبتیله کئچيريلن اعتراض لار زامانی خوی شهری اطلاعات طرفيندن حبس يازيلاری، کامپيوتری و بير چوخ شخصی اشياء سی توقيف ائديلميشدی !
خوی زیندانیندا آذربایجانلی فعالینا فشارلار وار !
شیرزاد حاجیلو آذربایجانلی فعال و "اورین" ان جی یو سی نین دبیری کی حال حاضیردا خوی زیندانیندا ساخلانیلیر حبس خانا مسئوللارینین قانونسیز رفتارلارینا اعتراض ائدیب دیر.
معلوماتیمیزا گوره زیندان مسئوللاری بو سیاسی محبوسا کیتاب چاتدیریلماسی نین قارشی سینی آلیرلار. حال حاضیردا اونون هر نوع کیتاب - درگی و حتی یونیوئرسیته کیتابی دا وئریلمیر.
حاجیلو ۲۰ آذر ۱۳۸۶ دان خوی زیندانیندا ساخلانیلیر. او ۲ اسفند ۱۳۸۵ بین الخالق آنا دیلی گونو موناسیبتیله اطلاعات مامورلاری طرفیندن توتولاراق ۱۵ گون موقتی حبس دن سونرا گیروولا آزاد اولموشدور.حاجیلو خوی اینقیلاب محکمه سینده محاکیمه اولاراق (قاضی نوروزی) طرفیندن ۱ ایل تعزیری حبسه محکوم اولموشدورلار / کی اونلارین اعتراضیندان سونرا وئریلن حکم اورمیه نین تجدید نظر محکمه سی نین ۱ اینجی شعبه سینده ۳ آی بیر گون حبس مدتیه آزالمیشدیر.
بو فعالین آتاسی ائله او تاریخده اوغولی ایله بیرلیکده توتولاراق اونلاردا خوی اینقیلاب محکمه سی طرفیندن ۲۰۰ مین تومن نقدی جریمه یه محکوم اولموشدولار.
عباس لسانی ایرانین گونئی بولگه سینه سورگونه هده له نییب !
حبس مدتینی اهر حبس خاناسیندا کئچیرین تانینمیش آذربایجانلی سياسي محبوس عباس لسانی زیندان و امنیتی قووه لر طرفیندن تعزیق لره معروض قالماقدادیر.
عایله عضولرینین دئدیک لرینه گوره هله ده جناب لسانی یه مرخصی وئریلمیر و اونون وکیلینین مرخصی درخواستینا نه تکجه مثبت بیر جواب وئریلمه ییب بلکه حتي لساني نی ایرانین گونئی بولگه لرینده جبس خانالارین بیرینه سورگونه ده تهدید ائدیب لر.
جناب لسانی ۲ محکمه طرفیندن توپلام ۳۰ آی حبسه محکوم اولوبلار کی اونو ۲۰ آیین چکیب و ۱۰ آی قالیر. البته لسانی بین قرار ایدیکی ۳۰ دی تاریخینده تبریزده محکمه سی کئچیریله کی محکمه نین کاغیذی اهر زیندانیا گئتمه دیگی اوچون عباس بی او محکمه ده حاضیر اولا بیلمه میشدیلر. خاطیرلاتمالیام کی عباس بی ۱۴ مرداد ۸۴ تبریزده باغیر خان مزاری اوسته ایشتیراکی ایتتهامی ایله حبس ائدیله رک موقتی آزادلیقا بوراخیلمیشدیلار !