حبس ده اولان فعاللاریمیزی اونوتمایاق!-تورال سولدوز لو

منبع:اویرنجی

فیکیر داشلاریمیزین دوستاقلاردا گرگین و سیخینتیلی دورومونو دوشوننده اوز اوشاقلیغیم یادیما دوشور.
ایلک اوخولا گئتمک ایسته ییردیم، آنا دیلیمدن باشقا(لایلا،ناغیل،بایاتی) بیر دیل ائشیتمه میشدیم. صینیفه گیرجک بیزه سالام وئرر-وئرمز اوتوروب باشلادی آدلاری سورمایا اونجه مندن سوروشور: اسم تو چیه آقا پسر؟ من دینمز اینمز باخیرام اوزونه بیرداها سوروشور، اسم تو چیه آقا پسر؟ باشا دوشمه دییمی دئییرم آیاقا قالخیب دئییر بوندان بری فارس دیلینده دانیشیب ، یازیب اوخومالیسیز آنا دیلینیز سیزه یاساقدیر یاساق.

وطن اوغروندا چالیشان قیز،اوغلان لاریمیز گئجه گوندوز گوز قیرپمادان چالیشماقدادیلار، یاد الینه دوشموش وطنیمیزی، دیلیمیزی، تاریخیمیزی قودوز قافلانلارین الیندن چیخاردیب یئنیدن ییه لنسینلر.
جیرناغی قانلی قافلانلاراد دورمادان حاق یولوندا چالیشانلاری آیاق آلتدا آیاقلاییب اونلاری بو گوجلو ایناملاریندان اوزاقلاتماق ایسته ییرلر.
بو فاشیست رژیمین دوستاقلاریندا نئچه-نئچه آذربایجان یولوندا چالیشان ایگیت وحشی جسینه قاندالدادیر چوخودا آغیر وصیقه ایله بوراخیلیب.
عباس لیسانی،سعید متین پور،عبدالله عباسی جوان،ایلقار مرندلی، میر علی رضایی، سیروس صیامی، بهروز صفری، لیلا حیدری،رضا متین پور،جلیل غنی لو، ابراهیم معینی،ائلیاز یئکانلی، رضا شریفی،محمد علی حیدری، هادی حمیدی ،میر قاسم سیدین زاده، مصطفی میدان نورد، مهدی حاجی محمدی، مهدی نوری، امیر عباسی...
میللت اوغروندا جاندان کئچن اوره ک یاندیران دویوشچولر بوتون آذربایجان میللتینین اوره گینده آخان قان کیمی یئرلری وار.
سون دا اینسان حاقلاری مودافیعه چیلریندن ، یازیچیلاریمیزدان هابئله ائلینه و یوردونا اوره ک یاندیرانلاردان ایسته ییریک کی آذربایجان میللتینین حاق موجادیله سی یولوندا دوستاقلارا دوشن فعاللاریمیزین سسینی دونیا ایجتیماعیتیه چاتدیرماق دا اللریندن گلنی اسیرگمه سینلر.وطنه باشدان کئشملی یا تا نلاری اویا تما لی
ساتا نلارا آیاق آلتی یانان لارا جان وئرملی