آذربايجانلی سياسی محبوسلاردان بير نئچه نفری آزاد ائديليب

منبع: صدای آمریکا
25/12/2007
ساوالان سسی و اورمو نيوز خبر سايت لارينين معلوماتينا گوره سون ايکی گون عرضينده ايراندا
آذربايجانليلارين حاقلارينين مدافعه سی ايله باغلی فعاليت لرينه گوره حبس اولونانلاردان بير نئچه نفری آزاد ائديليب.

بير نئچه آی تهرانين ائوين حبس خاناسيندا ساخلانيلان وکيل صالح کامرانی 150 ميليون تومن(140 مين دلار)، يونيورسيته استادی عبدالله عباسی جوان 80 ميليون(75 مين دلار)، ميرقاسيم سيدين زاده 40 ميليون تومن(38 مين دلار) گيرو قارشيليغيندا ضامينه بوراخيليب لار. بوندان اول ايسه يعقوب سالکی و محمد نصرتی نين کفالت قراری ايله آزاليغا بوراخيلماسی خبری ياييلميشدی. خبری تومروس خبر سايتی ايله ياناشی آذربايجانلی سياسی محبوسلارين حاقلارينی مدافعه کميته سی ده تصديقله ييب.
بونا باخماياراق بير چوخ سياسی محبوس او جومله دن ژورناليست سعيد متين پور و قارداشی رضا، ،جلیل غنی لو ،لیلا حیدری ، بهروز صفری و باشقالاری هله ده حبسده ساخلانيليرلار.