واشنگتوندان باخيش: ايراندا آذربايجانلی فعاللار هله ده حبسده ساخلانيلير

منبع: صدای آمریکا
24/12/2007
آشاغيداکی " باش مقاله" دئييل، " واشنگتوندان باخيش" دير.


انسان حقوقلاری فعال لاری ايراندا هله ده آذربايجانلی فعاللارين حبسده ساخلانديقلارينی بيلديريرلر. آذربايجانلی سياسی محبوسلارين حاقلارينين مدافعه سی کميته سينين ديرکتور خانيم فاخته زامانی اونلاردان بيرينين عباس لسانی اولدوغونو دئيير.
فاخته زامانی" قاباقجيل فعاللاردان اولان عباس لسانی 2006-جی ايلدن اردبيل حبس خاناسيندا ساخلانيلير. 50 شاللاقدان علاوه او جزاسينی اهر حبس خاناسيندا چکمک شرطی ايله 12 آی مدتينه آزادليقدان محروم ائديليب.

عباس لسانی بير نئچه آچيق مکتوبلا حبس خانا رسمی لرينين قانونسوز داورانيشلارينا، ئوزو و باشقا آذربايجانلی محبوسلارين حاقلارينين پوزولماسينا اعتراضينی بيلديريب."
فاخته زامانی بير نئچه دفعه آجليق اعتصابی کئچيرميش عباس لسانی نين حياتینين تهلوکه ده اولدوغونو دئيير.
" شکنجه لر و آجليق نتيجه سينده عباس لسانی ساغلامليق پرابلم لری ايله قارشيلاشيب. بيزده اولان معلوماتا گوره، اونون معروض قالديغی شکنجه لر عراقدا چوخ ياييلميش شکنجه نوعو اولان شاللاغين ان قدار فورماسينی بئله آرخادا قويوب."
انسان حقوقلارينين مدافعه سينه گوره حبس ائديلن لر آراسيندا باشقا آذربايجانلی فعاللار دا وار. بونلاردان بهروز صفری و اونون خانيمی ليلا، سعيد متين پور و اونون قارداشی عليرضا، ايلقار مرندلی، جليل غنیلی، محمد نصرتی، ميرقاسيم سعدين زاده و عبدالله عباسی جوانين آدلارينی چکمک اولار. سعيد متين پور و عبدالله جوانين قوهوملاری حبس خانادا اونلارلا پيس داورانيلديغينا گوره ساغلامليق وضعيت لرينين آغير اولدوغونو دئييرلر. آمنستی آنيترنشنالين بيلديرديينه گوره ائوين حبس خاناسيندا ساخلانيلان انسان حاقلاری فعالی صالح کامرانی دينج يوللا سوز آزادليغی، ايران آذربايجانليلارينين حاقلارينين مدافعه سيه قالخان آذربايجانليلار و باشقالارينی مدافعه ائتديينی اوچون حبس اولونوب.
بوايلين اول لرينده آمريکانين دولت دئپارتمنتی نين سوزچوسو شان مکـورمک آمريکانين چاغيريشلارينی تکرارلاييب. او دئييب کی، آمريکا ايران حکومتينی وطنداشلارينا قارشی تعقيب لره سون قويماغا، ايران خالقينين حاقلارينا حورمت ائتمه يه، يونيورسال- بين الخالق حاقلار طلبينه گوره حبس اولونانلارين آزدليغا بوراخيلماسينا چاغيرير.

بو" واشنگتوندان باخيش" ايدی.