آیاغا دور آذربایجان!

نه یاتمیسان قوجا وولکان، سنین له یم !
آیاغا دور، آذربا یجان، سنین له یم،
سندن غیری بیز هر شئیی بوله بیللیک
سندن غیری بیزهامیمیز اوله بیللیک
بو شهریار هاراییدر،
بو بختیار هاراییدر،
بونو سنه زامان دئییر،
مزاریندان باش قالدیران بابان دئییر:
نراوغلونر، سنین له یم ! سنین له یم، سیلاح توتان،
کولونگ توتان، یابا توتان،
کسوی توتان، نیشانلی ار،سنین له یم!
سنین له یم،قیز آتاسی،
هانی نعره ن،هانی سسین؟
هانی آندین؟
یوخسا سن ده یاتمیشلارا، باتمیشلارا
قیرتینی ساتمیشلارا خیردالاندین؟
گؤزونو سیل وطن اوغلو آیاغا قالخ!
اوفوقونه بیر یاخشی باخ،
سرحددینه بیر یاخشی باخ،
سرحدینین کمندینه بیر یاخشی باخ!
دور،ایچنده قورخونو بوغ،
اؤلومونله قالیمینی آییرد ائله،
دور،ایچنده دوشانی قوو،
دور اؤزونو بوزقورد ائله!
واریم- یوخوم سنین له یم،
آزیم- چوخوم سنین له یم،
شیرین یوخوم ، سنین له یم
ییخین منی سؤز آتیندان،
آتین منی تانک التینا،
ازین منی خینجیم- خینجیم.
کسمیر اگر سؤز قیلینجم،
دیدین منی دیدیم- دیدیم،
آتین منی تانک آلتینا،
قاباخداکی بیر کؤرپه نی خیلاص ائدیم،
نئچه سنی،نئچه منی،خیلاص ائدیم،
سنین له یم،سؤزو غملی،
اؤزودملی رهبر آدام!
1918-ده وروشوردور
دانیشمیردی رنجیبر اتان،
رنجیبر اتام!
اویات بیزی ای یارادان:،سنین له یم!
یابیر مرره یاتیرت بیزی،
یابیر مرره اویات بیزی،
یا یئنی دن یارات بیزی،
ائی یارادان سنین له یم!
سنین له یم یاتمیش وولکان،
سنین له یم!
آیاغا دور آذربایجان،
سنین له یم!...

ممدآراز