بين الخالق عفو تشکيلاتی سعيد متين پورون شکنجه اولونماسيندان راحات سيزدير

24/08/2007

سعيد متين پوربين الخالق عفو تشکيلاتی 23 اوگوست تاريخلی بياناتيندا ايران حکومتی طرفيندن حبس اولونموش آذربايجانلی فعال و ژورناليست سعيد متين پورون شکنجه اولونماسيندان قايغی لانديغينی بيلديريب. بين الخالق عفوين بياناتينا گوره سعيد متين پور ايرانين اطلاعات تشکيلاتی نين نظارتی آلتيندا اولان تهرانين اوين زندانينين 209-جو بولومونده ساخلانيلير. اونون تک آداملی سلولدا ساخلانديغی سويله نيلير و معروض قالديغيی تضييق لره گوره فيزيکی دورمونون ياخشی اولماديغی بيان ائديلير.قورومون بيلديرديينه گوره سعيد متين پور تلويزيون" اعتراف لاری" وئرمک اوچون شکنجه ائديلمکده دير. سعيد متين پور مایين 25 ده آذربايجانليلارين کوتلوی اعتراض لارينين ايلدونومو عرفه سينده زنجان شهرينده حبس اولونوب. اينديه دک اونون عائيله سی ايله گوروشمه سينه و وکيل توتماق حاققيندان يارارلانماسينا اجازه وئريلمه ييب.کئچن هفته سرحدسيز ژورناليست لر بيرلييی ده سعيد متين پورلا باغلی بيانات يايميش و "يارپاق" درگی سينين باش يازاری اولان بو آذربايجانلی فعالين حبسينه قارشی اعتراضينی بيلديرميش و اونون آزاد ائديلمه سينه طلب ائتميشدير.
بوندان باشقا اوگوستون 23 دن بين الخالق عفو تشکيلاتی همده آذربايجانی

صالح کامرانی
محبوسلارينين حقوق مدافعه چيسی وکيل صالح کامرانی نين حبسينی پيسله ين بياناتلا چيخيش ائديب. اونون حبسی فيکير و سوز آزادليغينين محدودلاشديريلماسی کيمی ده يرلنديريب. بين الخالق قوروم، کامرانی نين اوگوستون 18 ده تهرانين ياخينليغيندا يئرله شن کرج شهرينده حبس اولوناراق نامعلوم يئره آپاريلديغينی ، عائيله سينين اونون حاققيندا 3 گون تام معلوماتسيز قالديغينی و يالنيز قيسا تلفون زنگيندن سونرا خانيمی نين اونون اوين زندانيندا اولماسيندان خبر توتا بيلديينی بيان ائدير. بين الخالق عفو تشکيلاتی صالح کامرانی نين ئورک خسته لييندن عذاب چکديينی و حبس خانا شرايطی نين اونون حياتينا تهلوکه تورتديينی قيد ائدير. خاطيرلاداق کی صالح کامرانی پئشه جه وکيل دير. او بير چوخ سياسی محبوسون مدافعه سينی تامين ائتميشدير.

http://www.voanews.com/azeri/Amnesty-on-Azeri-Activist.cfm